– Det er her vi høyrer heime
* Barnefamilie flyttar frå Oslo til Sandane
* Har fått jobb hos EY og på omsorgssenteret
Ane Merete Austrheim og Ole André Aae tok med seg dei to borna sine og flytta heim til Gloppen i byrjinga av november. – Vi kjenner det med ein gong vi kjem til fjordar og fjell – at det er her vi høyrer heime, smiler dei.
Det har ordna seg med jobb til begge to, og borna har fått barnehageplass i Mona barnehage, avdeling Sandane. Både Ane Merete Austrheim og Ole André Aae føler at dei er begynt å kome inn i nye daglege rutinar.
Tett knytte til Sandane
– Far min, Jan Otto Aae, tok imot oss med opne armar då vi kom i november. I starten skal vi bu hos han i Nordåsen. Etter kvart vil vi vurdere å kjøpe eller byggje oss ein heim, men vi har ei god mellombels løysing slik det er no. Far min har god plass, og eg trur det er kjekt for han å få oss heim igjen. Han elskar litt liv og røre rundt seg, og han gler seg over å ha barneborna i hus. No får han ein naturleg plass i livet deira, seier Ole André Aae.
Dei er også ofte på besøk hos foreldra til Ane Merete på Øyrane.
– I permisjonar og feriar har vi vore flinke til å kome heim til Gloppen. Så snart vi har hatt sjansen, har vi teke turen over fjellet. Ofte har vi reist eins ærend for å få med oss Matamål. Vi har vore tett knytte til Sandane sjølv om vi har budd vekke ein del år, fortel ho.
Les meir om dei heimflytta glopparane i onsdagsavisa.