Bokprat på Eikenæs Libris

Eikenæs Libris på Sandane inviterer til Bokprat i butikken tysdag 13. november. Denne gongen kjem Oddleiv Apneseth og Oddvar Torsheim på vitjing.

Apneseth har i lag med Eva Røyrane laga boka Klyngetunet, ei nydeleg bok om historia til den norske landsbyen. Det er omtale av to gardstun i Gloppen i boka, Myklebust og Osmundnes.

Torsheim er nettopp fylt 80 år. Det vert feira med ei ny bok om hans liv og virke. Boka er rikt illustrert. Han har òg laga kalender for 2019 for alle som er glade i teikningane hans.

Ove Eide blir med, og med si breie erfaring frå litteraturverda vil han leie kvelden.

Kaffi og kake blir det også.