Blir ny fylkeslege i Vestland
Kristin Cotta Schønberg frå Luster blir ny fylkeslege og avdelingsdirektør for helse, sosial og barnevern i Vestland.
Det melder Statsforvaltaren i Vestland på eiga nettsida.
Schønberg kjem frå stillinga som kommuneoverlege i Askøy.
Artikkelen held fram under annonsen.
– Tidlegare har ho vore fastlege, legevaktlege og smittevernlege i Askøy, assistentlege ved NKS Olaviken alderspsykiatriske sykehus, og dessutan assisterande fylkeslege i Hordaland og seinare Vestland. Kristin er Cand.med. frå UiB og spesialist i allmennmedisin og samfunnsmedisin. I tillegg har ho teke helseleiing ved Handelshøyskolen BI som del av Nasjonal leiarutdanning for primærhelsetenesta, opplyser Statsforvaltaren.
Schønberg tek truleg til i stillinga som over sommaren.