Båt kantra i Gloppen: Mann er sakna

Politiet melde klokka 03:43 natt til søndag at redningsaksjonen var i gang, etter at ein båt med to menn hadde kantra i elva som ligg mellom Sanddalsvatnet og Lonevatnet i Breim. 

Båten velta og mennene hamna i elva, som hadde stor vassføring. 

Den eine mannen kom seg på land og fikk varsla naudetatane.

Politiet melder at han var våt, kald og forslått, og blir ivaretatt av helse.

Mann nummer to er framleis sakna, og naudetatane, redningshelikopteret SAR Queen, luftambulanse og elveredningsgruppe deltar i søket.

Oppdatering:

- Det pågår framleis søk med full styrke, seier operasjonssentralen på telefon søndag morgon. 

Naudetatane og redningsressursane har samla seg ved Ura skytebane som ligg mellom Sanddalsvatnet og Lonevatnet.