Både Sande og Øren Heen på Stortinget i ny måling

I NRK si store supermåling vil dei tre distriktsmandata i Sogn og Fjordane gå til Erling Sande (Sp), Aleksander Øren Heen (Sp) og Torbjørn Vereide (Ap).

Høgre og Olve Grotle er i posisjon til å få utjamningsmandatet.

Målinga viser at Senterpartiet framleis er klart størst i Sogn og Fjordane valkrins med ein oppslutnad på 37,3 prosent. Dette er ein nedgang på 3,0 prosentpoeng sidan førre måling.

Arbeidarpartiet går tilbake 0,9 prosentpoeng til 21,5, medan Høgre endar på 14,2 prosent etter ein framgang på 2,8 prosentpoeng.

Framstegspartiet er det fjerde største partiet i målinga med 7,6 prosent (+0,8).

For dei andre partia er resultatet slik:

Raudt 3,6 (+0,5)

SV 5,4 (-1,6)

MDG 3,0 (+0,3)

KrF 3,8 (+0,9)

V 2,0 (+0,3)

Andre parti 1,6

Målinga er utført av Norstat 2.-5. august. 600 personar har svara.