Årets høgaste straumpris i Sør-Noreg
Straumprisane i Sør-Noreg er langt høgare enn dei pleier å vere på denne årstida. Måndag sette prisane førebels årsrekord.
Det viser tal frå straumbørsen Nord Pool, skriv E24.
Straumprisane har vore uvanleg høge i år, mellom anna på grunn av lite nedbør og vind. Dermed er det lite vatn i magasina. I tillegg er det høge straumprisar i resten av Europa, som Noreg eksporterer straum til. Det kjem av skyhøge produksjonskostnader på kol- og gasskraftverk.
Artikkelen held fram under annonsen.
Dermed kostar straumen i Sør-Noreg i snitt 1,06 kroner per kilowattime måndag.
(©NPK)