Arbeidarpartiets nettomtale av at dei har innført gratis ferjer før valet, har vorte fjerna.

Arbeidarpartiet fjerna nettside med skryt av gratis ferje

Arbeidarpartiets nettomtale av at dei har innført gratis ferje før valet, har vorte fjerna, skriv VG.

NPK-NTB NPK-NTB
Publisert
Endringa i ordninga er blant fleire som er møtte med svært kraftige reaksjonar frå Senterpartiet og partileiar Trygve Slagsvold Vedum (t.h.). Her er Vedum og statsminister Jonas Gahr Støre (Ap) saman på debatt i Oslo.

Regjeringa foreslår i statsbudsjettet å fjerna ordninga med gratis ferje og i staden ha ei rabattordning. Grepet er blant fleire som har vekt harme hos tidlegare regjeringspartnar Senterpartiet, som seier dei ikkje vil forhandla om det noverande budsjettforslaget.

Om ein fredag søkjer på «Arbeiderpartiet fergepriser» på Google, får ein kopling til ei side frå partiet der det står «Arbeiderpartiet har halvert billettprisene på ferge og har gjort fergene til samfunn uten veiforbindelse til fastlandet gratis». Men når ein klikkar på koplinga, kjem ein beskjed om at sidan ikkje lenger finst, skriv avisa.

VG har brukt nettarkivverktøyet waybackmachine og funne ut at sida vart endra ein gong mellom 12. september, fire dagar etter valet, og fredag. (©NPK)

ntb nyhende innenriks
Powered by Labrador CMS