90 kommunar seier nei til utvida skjenketider
Eit fleirtal av kommunane som har svart på ei kartlegging frå NRK, opnar for utvida skjenketider under fotball-VM i 2026.
Av 269 kommunar som svarte på undersøkinga, seier 137 ja til lengre skjenketider enn normalt, medan 90 seier nei. I tillegg har 42 kommunar enno ikkje avgjort saka, skriv NRK.
Bakgrunnen er at Stortinget har opna for at kommunane kan tillate alkoholservering gjennom heile døgnet dersom fotballkampar frå VM blir viste på skjerm. Fleire kommunar har likevel sett eigne vilkår, mellom anna at ordninga berre skal gjelde når Noreg spelar, eller berre på bestemte serveringsstader.
Annonse
Samtidig har fleire kommunar valt å ikkje opne for skjenking til langt ut på morgonen. (©NPK)
