Noreg bruker mest på barnehagebarn i Norden
Noreg bruker mest på barnehagebarn i Norden. Noreg brukte to prosent av bruttonasjonalproduktet (BNP) på barnehagesektoren i 2015, ifølgje OECD.
Det utgjer 18.500 dollar, som svarer til 161.000 kroner, viser tal frå Organisasjonen for økonomisk samarbeid og utvikling (OECD) ifølgje Statistisk sentralbyrå.
Bak følgjer Danmark, som brukte 16.000 dollar per barn. Finland brukte minst, rundt 12.000 dollar ber barn, noko som svarer til 1,2 prosent av BNP.
Gjennomsnittet for OECD-landa var nær 9.000 dollar per barn i barnehagar – 0,8 prosent av BNP.
Noreg skil seg vesentleg ut frå resten av dei nordiske landa når det gjeld fordelinga av barn mellom private og offentlege barnehagar. I Noreg går om lag halvparten av barna i offentlege barnehagar og ein tilsvarande halvpart i private barnehagar. I Finland, Island, Sverige og Danmark gjekk minst 80 prosent av barna i offentlege barnehagar i 2016, medan gjennomsnittet i OECD-landa låg på rundt 65 prosent.
SSB påpeikar at organiseringa av barnehagetilbodet varierer mellom dei nordiske landa, mellom anna når det gjeld kor lang foreldrepermisjon ein har og når barna byrjar på skulen. Det er òg skilnader i korleis personale blir rapportert, og i kor stor grad alle tilbod blir dekte av offentlege tilskot. Dette fører til utfordringar når det gjeld samanlikningar mellom landa. (©NPK)
