Straumsjokk nord for Sognefjorden

Den 17.  august i år publiserte Nettavisen ein artikkel med tittelen "Ny strømkabel straks ferdig: Vil gi mye høyere pris til vinteren". Det artikkelen handlar om, er at innafor dagens kraft- og straumpolitikk gjer det slik at når Statnett sitt prosjekt om å oppgradere linja over Sognefjorden, vil det kunne overførast mykje meir straum frå nord til sør. Det vil med dagens marknadsorienterte straumprisregimé føre til prissmitte nordover, og dyrare straum nord for Sognefjorden.

Ein ny kraftledning på totalt 70 kilometer skal auke overføringskapasiteten med rundt 500 MW mellom Aurland og Sogndal, og planen er at den innan oktober skal vere ferdig og verte sett i drift i løpet av dette året.

Ein toppsjef i kraftbransjen tente i fjor i gjennomsnitt 3,8 millionar kronar i lønn og anna godtgjersle, ifølgje Bergens Tidende. Då har dei ikkje teke med pensjonskostnadane kraftselskapa har knytta til toppleiarane sine. Dette er eit symptom på eit langt større problem. Den marknadsorienterte kraftpolitikken i Noreg er skadeleg for fastlandsindustrien og landbruket, og svir ekstra for dei med lågast inntekt.

Raudt meiner at vi må forvalte den norske vasskrafta som ein nasjonal, strategisk ressurs. Raudt vil at reservasjonsretten skal brukast mot heile EU sin fjerde energimarknadspakke, og vi arbeider òg for å melde Noreg ut av EU sitt energibyrå ACER, samt regulere krafteksporten. Raudt seier dessutan nei til nye utanlandskablar.

Raudt meiner at heller enn at endå fleire skal måtte betale alt for høg straumpris, er det på tide å få ned straumrekningane med innføring av tak på nettleige og maksimalpris på straum på 35 øre per kilowattime, ikkje berre for private hushaldningar, men óg for næringslivet og offentlege arbeidsplassar.

Rita Tonning, 

1. kandidat for Raudt Sogn og Fjordane i stortingsvalet