Over 500 unge musikantar deltek i Nordvesten 2018
Over 500 korpsmusikantar frå Sogn og Fjordane og Sunnmøre set sitt preg på Sandane denne helga.
Sandane skulekorps og Breim skulekorps arrangerer denne helga Nordvesten 2018. I alt 16 korps har prioritert å delta. Fleire stiller også i drill med tropp, grupper eller enkeltutøvarar.
Sandane skulekorps og Breim skulekorps har gått saman og laga eit felles korps som stiller i 3. divisjon. Dei var i elden klokka 09.30 i dag og kom godt frå framføringa av tre innslag.
-Dette gjekk knallbra. Det var kjekt å stå her i dag, sa dirigent Ann Karin Ose etter framføringa og rosa alle solistane som hadde vore i aksjon. Det var Maria Hetle på klarinett, Lene Førde på altsaksofon og Hanne Ose på fløyte. Alle tre har vore med i korps i fleire år.
Framfor Nordvesten 2018 har dei hatt fleire fellesøvingar vekselsvis på Breim og Sandane. I tillegg har dei hatt gruppeøvingar.
Etter at det var ferdige med spelinga hadde, dei ulike oppgåver som vertskap for dei andre korpsa.