Har besøk av lokalavisa

Klasse 4a og 4b ved Sandane skule har i dag hatt besøk av Firda Tidend i samband med den landsomfattande kampanjen Avis i skulen. 

Målet med kampanjen er at elevane skal bli betre kjende med aviser generelt og lokalavisa spesielt.

Amalie Kirkhorn (9) går i 4a. Ho pleier å blade i Firda Tidend heime.

- Eg har lyst å lese meir om sport i avisa, seier ho og fortel at ho driv med både fotball, handball og turn på fritida.



Ola Almenning Ravnestad junior er ein av elevane i 4b.

- Eg les vitsane i avisa, men eg er glad i å fiske, så eg vil det skal stå meir om fisking, seier niåringen som i fjor drog i land ein laks på fem kg:

- Han var tung, og onkel kom alt for seint for å hjelpe meg.