Så mange er heilt arbeidsledige i Gloppen og Sunnfjord

170 personar i Gloppen og 864 personar i Sunnfjord kommune er no heilt arbeidsledige, viser ferske tal frå NAV. Dette utgjer høvesvis 5,7 og 7,1 prosent av arbeidsstyrken i dei to kommunane. 

Stad kommune har 363 heilt ledige (7,8%), Stryn har 424 (10,8%), Bremanger har 121 (6,8%) og Kinn 766 (8,2%) heilt arbeidsledige.

I Vestland fylke er det 33 332 ledige (9,9%), ned ca 1000 sidan forrige veke.

- Dette skuldast mellom anna at fleire har sendt meldekort og opplyst om timar arbeidd, og med det no vert definerte som delvis ledige, skriv NAV i ei pressemelding.

På landsnivå er det 291 000 heilt arbeidslause (10,4%, mot 10,7% forrige veke).