Posten og Bring bygger ny terminal for pakker og gods i Sogn og Fjordane.
Terminalen skal ligge ved E 39 på det nye industriområdet på Moskog
Sentral plassering
- Det er sentral plassering for heile fylket og for vidare transport til Oslo, Bergen, Ålesund, Molde og Trondheim, seier regiondirektør Tor Olve Hagen i Posten Norge.
Bygget blir 2600 kvadratmeter på ei ca 16 mål stor tomt. Byggestart er planlagt i andre kvartal 2019, med ferdigstilling i første kvartal 2020. Rundt 40 arbeidsplassar vil bli knytt til den nye terminalen.
Den nye terminalen gjer at sortering av pakkar og gods i Sogn og Fjordane no kan samlast i éin terminal. Dette er oppgåver som i dag er lokaliserte til Førde, Kaupanger og Stryn.
Den siste i rekkja
Den nye terminalen i Førde er den siste som er vedteken i etableringa av 18 felles logistikksenter for Posten og Bring over heile landet. Terminalnettverket legg til rette for ei effektiv drift som skal gi kundene et betre tilbod. I tillegg til Førde, er terminalar i Tromsø, Bergen og Stavanger no under planlegging og bygging, heiter det i ei pressemelding frå Posten.