Vil få bunaden inn på kulturarv-liste
Fleire organisasjonar går saman for å få bunaden inn på Unesco si liste over immateriell kulturarv.
Unesco er kanskje mest kjend for verdsarvlista, der mellom anna Bryggen i Bergen er med. Lista over immateriell kulturarv frå Unesco handlar om å verne om «levande tradisjonar og kunnskap som blir overført mellom folk». Dette kan innebere til dømes språk, kunst og tradisjonelt handverk, skriv NRK Trøndelag.
No har Norsk folkedraktforum, Noregs Ungdomslag, Norges Husflidslag, Studieforbundet kultur og tradisjon og Norsk institutt for bunad og folkedrakt gått saman om å sende inn nominasjon i håp om å få inn den norske bunadsbruken.
Artikkelen held fram under annonsen.
– Den norske bunadsbruken er spesiell, seier styreleiar i Norsk folkedraktforum, Jacob Bjerkem.
Det kan likevel ta tid før organisasjonane får svar på nominasjonen.
– Det tar minimum 19–20 månader frå ein nominasjon blir send frå Noreg, til han blir behandla i Unesco, seier seniorrådgjevar i Kulturrådet.
(©NPK)
