VG: Forbrukarrådet mistenkjer prisjuks hos straumselskap
Forbrukarrådet meiner 29 straumselskap har drive med omfattande prisjuks.
Tysdag klaga Forbrukarrådet 29 straumselskap inn til Forbrukartilsynet.
Forbrukarrådet meiner selskapa har drive med omfattande prisjuks ved at nordmenn blir lurt til å tru at dei har den billegaste straumavtalen.
Artikkelen held fram under annonsen.
– Vi har avdekt at straumselskapa rett og slett lurer folk med ein avtaletype dei kallar innkjøpsprisavtalar. Dei blir selde som ordinære spotavtaler, og det er avtalane som folk oftast blir anbefalte å velje, seier Inger Lise Blyverket, direktør i Forbrukarrådet, til VG.
Ifølgje Blyverket er innkjøpsprisavtale ein slags spotavtale der selskapa, i tillegg til dei vanlege pristillegga, også legg på eit hemmeleg tillegg.
– Du skal vere ekstremt oppvakt for å kunne oppdage kva som utgjer totalprisen, seier Blyverket.
Forbrukarrådet fryktar at omfanget er større enn det dei har klart å avdekkje no.
(©NPK)
