Vedtok eigenkapitalemisjon

Generalforsamlinga i Sogn og Fjordane Energi vedtok måndag å auke eigenkapitalen.

Gloppen kommune har skrive under på teikningsrett for sin del av aksjane, inneverande år er det snakk om 11,5 millionar kroner.

Styret føreslo ein frist på 10. juli for å nytte seg av teikningsrettane. Under generalforsamlinga kom Gloppen kommune med framlegg om å utsetje fristen. Dette vart vedteke. Fristen blei sett til 11. september, med innbetalingsfrist ei veke seinare.

Generalforsamlinga gjorde også vedtak om utbetaling av utbyte til eigarane på til saman 77.141.375 kroner, tilsvarande 10,43 kroner per aksje. Gloppen kommune får utbetalt 2.591.386 kroner. Største eigar er fylkeskommunen gjennom Sogn og Fjordane Holding AS. Selskapet får 37.140.208 kroner i utbyte.