Ta julehandelen tidleg, oppmodar justisministeren

Få unnagjort julehandelen så tidleg som mogleg, var oppmodinga til justisminister Monica Mæland (H) på koronapressekonferansen til regjeringa onsdag.

– Eg har lyst til å oppmode alle til å gjennomføre julehandelen på ein sånn måte at ein ikkje utset verken seg sjølv eller andre for unødig smittefare, sa Mæland.

Ho bad folk om å få gjort unna handelen tidleg og å unngå trengsel på butikkar og kjøpesenter.

Mæland oppmoda òg nordmenn til å handle frå lokale butikkar og produsentar.

– For jul skal vi sjølvsagt feire, på den eine eller den andre måten, la justisministeren til.

(©NPK)