Straumstøtta til bøndene vidareført

Sp, Ap og SV går saman og sikrar at det heva taket for straumstøtte i landbruket kjem til å gjelde også første halvår neste år, skriv Nationen.

På dagen for regjeringa sitt statsbudsjettforslag i oktober sa Geir Pollestad (Sp) til Jærbladet at straumstøtta til landbruket skulle vidareførast – med det heva taket på 60.000 kilowatt-timar (kWh) per månad som blei innført frå 1. oktober.

Men det viste seg å vera feil.

I budsjettforslaget låg det berre inne ei vidareføring av straumstøtta til landbruket med det gamle taket på 20.000 kWh per månad. No har stortingsrepresentanten retta opp feilen og bøndene får straumstøtte for første halvår neste år.

– For stortingsfleirtalet og meg er det viktig å sikra føreseielege rammer for landbruket i tida vi er inne i, seier Pollestad.

(©NPK)