Statsråd Lehmkuhl minutt-for-minutt sommaren 2021
Sommaren 2021 blir Statsraad Lehmkuhl kulisse for sommarsatsinga til NRK, «Sommerskuta».
Det skriv kanalen sjølv i ei nyheitssak.
Med skuleskipet «Statsraad Lehmkuhl» som base blir det seglas frå nord til sør gjennom seks veker, minutt for minutt. Startskotet går i veke 27, i byrjinga av juli.
Artikkelen held fram under annonsen.
– Vi seglar frå nord til sør og sender direkte på kveldstid, to til tre timar, seks dagar i veka, seier prosjektleiar Thomas Hellum i nyheitssaka.
– Målet er å vise fram land og folk på «sakte-TV vis». Vi arbeidar med reiseruta no og håpar å ha den klar i månadsskifte januar/februar. Då vil vi kunne fortelje meir om prosjektet, seier han.
(©NPK)
