Stadig nedgang for fylkesdeling i Sogn og Fjordane
Det er 53,2 prosent av innbyggjarane i Sogn og Fjordane som vil ha tilbake det gamle fylket sitt. 38,2 prosent ønskjer at Vestland skal halde fram som eitt fylke.
Resultata kjem fram i ei fersk meiningsmåling InFact har gjort for avisene Firda, Firdaposten og Sogn Avis. 1.023 personar over 18 år busette i Sogn og Fjordane deltok i undersøkinga, som vart gjort 6. september.
Det same spørsmålet er blitt stilt i fem målingar. I desember 2020 var det nære på 70 prosent av dei spurde som ønskte å reversere samanslåinga av Sogn og Fjordane og Hordaland til eitt fylke.
Artikkelen held fram under annonsen.
Den delen har gått ned i alle dei fire følgjande målingane. I september, og ei veke før stortingsvalet, har ja-fleirtalet minka til 53,2 prosent.
