Sp seier nei til vindkraft på Snøheia

Senterpartiet i Høyanger seier nei til omstridt vindkraftutbygging. Arbeidarpartiet har førebels ikkje tatt stilling til saka.

Senterpartiet i Høyanger seier nei til vindkraftutbygging på Snøheia. Det melder Ytre Sogn.

Hydro, Eviny og vindkraftselskapet Zephyr har planar om 50 vindturbinar i området mellom Viksdalen og Høyanger. Men planane er omstridde.

I september i fjor varsla ordførar i Høyanger, Petter Sortland (Ap), at han ville kome «i ein helvetes spagat» om Hydro lokkar med store nok investeringar.

Den planlagde investeringa er på 3–4 milliardar kroner, med ein samla kraftproduksjon på 1 TWh.

Arbeidarpartiet har førebels ikkje tatt stilling til kva dei skal meine, ifølgje NRK. (©NPK)