Skulen på Mo er stengd
På grunn av at ein av elevane på Mo og Øyrane vgs avdeling Mo i går fekk påvist koronasmitte, har skulen stengt ned i dag.
– Det er påvist ein sikker og ein truleg smitte blant elevane som bur på internatet ved Mo, opplyser Sunnfjord kommune på heimesida si.
Alle i karantene
Elevane har ikkje vore på avdeling Øyrane. Dei det gjeld er mogleg smitteførande frå måndag denne veka. Alle elevar og tilsette ved avdeling Mo er inntil vidare sette i karantene, og vert testa i dag.
Artikkelen held fram under annonsen.
Smittesporinga har ut over skulemiljøet berre identifisert eit fåtal nærkontaktar, som er kontakta og sette i karantene.
– Vi ventar no på vidare prøvesvar, og vurderer situasjonen til å vere rimeleg godt kontrollert, skriv kommunen.
