Skal styrkje samarbeidet om kulturarv med nytt forum
Eit felles forum for kulturarv skal bidra til å betre samarbeidet mellom ulike departement om forvalting av kulturarv og kulturarvpolitikk.
Kulturarven i Noreg er mangfaldig og fleire departement har ansvar for ulike delar av kulturarvfeltet.
Klima- og miljødepartementet har ansvar for kulturmiljøpolitikken, Kultur- og likestillingsdepartementet har ansvar for musea og den immaterielle kulturarven, Barne- og familiedepartementet har ansvar for kyrkjeforvaltinga og ei rekke andre departement har ansvar for ulike juridiske og økonomiske verkemiddel som er viktige i forvaltninga av kulturarv.
Artikkelen held fram under annonsen.
Kulturarvforumet skal bidra til å styrkje samarbeidet mellom departementa om forvalting av kulturarv og kulturarvpolitikk, skriv Klima- og miljødepartementet i ei pressemelding.
Utover å betre samarbeidet, skal forumet også bidra til kunnskap og bevisstheit om kulturarv, og bidra til samordning og koordinering i verkemiddelbruk.
(©NPK)
