Alf Helgheim & Co er no historie. Den 77 år gamle fotobutikken på Skei hadde sin siste opningsdag torsdag, og brørne Nils Magnar og Reidar Helgheim, og sambuar til sistnemnde, Randi Holt, var alle tre i butikken for å hjelpe dei aller siste kundane. – Vi har selt mange varer i heile desember, og det er veldig kjekt å oppleve all den støtta som kundane har vist oss, det varmar. No er det slutt, og det er vemodig, men riktig, seier dei.
