Rygg bru er opna att
– Rygg bru er opna att og blir open fram til reparasjonstidspunktet, seier einingsleiar for vedlikehald i Vestland fylkeskommune, Jorunn Hillestad Sekse.
Brua på Fv 615 på Ryggøyra, mellom Sandane og Hyen, har vore stengd sidan førre onsdag kveld, etter at ein tømmerbil tok opp i stålramma som stabiliserer brua.
I samanstøyten vart eitt av staga knekt, og eit anna bøygd.
Artikkelen held fram under annonsen.
– Brua må reparerast, men ho er kontrollert og er ikkje farleg å køyre på, understrekar Hillestad Sekse.