Rekordmange høgsommardagar fleire stader i september

Fleire stader i Noreg har hatt ein usedvanleg varm start på hausten. Notodden flyplass og Flesberg har aldri hatt så mange høgsommardagar som i september i år.

Så langt denne månaden har det vorte målt fem dagar med over 25 varmegrader på Notodden flyplass og Flesberg, opplyser Meteorologisk institutt på Twitter.

Allereie 9. september hadde elleve vêrstasjonar på Austlandet og Sørlandet registrert stasjonsrekord, og Drammen sett nasjonal månadsrekord med 28,6 grader.

Som følgje av klimaendringane har hausten generelt vorte varmare, sa Iselin Skjervagen ved Meteorologisk institutt til NTB då rekorden vart sett førre veke.

– Det er ein trend at temperaturane går opp, så vi vil nok kunne sjå rekordar om ikkje så mange år òg, sa meteorologen, som meiner det er lite truleg at den nye rekorden blir ståande like lenge som den førre.

(©NPK)