Rekordår for dompapen

Dompap har aldri før blitt påvist i så store mengder som i år under hagefuglteljinga.

I tillegg til å ha blitt registrert i større mengder, har han i år hatt vidare utbreiing enn tidlegare, skriv den ornitologiske organisasjonen Birdlife i ei pressemelding.

Det er kjøtmeisa som plar å vera den mest utbreidde hagefuglen, og det har han vore heilt sidan Birdlife byrja med den årlege hagefuglteljinga i 2008. Men førekomsten har sokke med åra, og over fleire år har fuglearten hatt dårlege hekkesesongar.

Hagefuglteljinga 2024 går frå 20. januar til 4. februar. Til no har organisasjonen fått rapportar frå om lag 8000 fôringsplassar og talt 370.000 fuglar.

Både raudstrupen og svarttrasten har greidd seg godt over vinteren viser det seg. Det same kan ikkje seiast om gjerdesmetten, som blir spesielt råka av kalde vintrar. (©NPK)