Problem for koronasertifikatet – stor pågang
Etter at regjeringa fredag opna for innanlands bruk av koronasertifikat, fekk helsenoreg.no problem med innlogging på grunn av stor pågang.
– På grunn av stor pågang, vil nokre oppleve å ikkje få logga seg inn og sett koronasertifikatet sitt, eller andre tenester på Helse-Noreg. Vi beklagar ulempene dette kan medføre, skreiv Helse-Noreg på nettsidene sine .
Norsk helsenett, som har ansvaret for Helse-Noreg, var ikkje varsla om endringane, skriv Dagbladet.
Artikkelen held fram under annonsen.
– I dag fekk vi svært høg trafikk etter at det har vore stillare ei god stund, og svært mange påloggingar på Helse-Noreg under pressekonferansen. Vi jobbar for å vite sikkert årsakene til problema, og korleis vi kan handtere slike toppar framover, opplyser kommunikasjonsdirektør Synnøve Farstad til avisa.
(©NPK)