Pandemien har gitt fleire mjølkekyr

Auka etterspurnad etter mjølk og kjøtt under koronapandemien har gitt fleire mjølkekyr og ammekyr i Noreg.

Talet på mjølkekyr er 213.200 etter ein auke på 2,6 prosent frå 1. mars 2020 til same dag i 2021, viser tal frå Statistisk sentralbyrå (SSB). Det vart òg 6.600 fleire ammekyr, som det finst 104.800 av.

Sidan i fjor har det samla talet storfe auka med 7.200 til 883.900.

Det vart òg fleire sauer. Talet er 948.200 etter ein auke på 700. Det er òg registrert 36.000 mjølkegeiter.

I alt 26.100 produsentar søkte om produksjonstilskot for ulike husdyr, noko som er rundt 100 færre enn året før.

(©NPK)