Over to milliardar kroner er utbetalte i feriepengar for dagpengar

Nær 358.000 nordmenn har fått utbetalt litt over 2,1 milliardar kroner i feriepengar for dagpengar, viser tal P4-nyheitene har fått frå Nav.

I vinter vart det fleirtal på Stortinget for at dei som fekk dagpengar i fjor skulle få feriepengar i år.

Feriepengar på dagpengar vart fjerna av regjeringa frå 2015, men fleirtalet på Stortinget endra dette mellombels på grunn av koronakrisa.

Det er utbetalt over 2,1 milliardar kroner i feriepengar. I snitt har kvar dagpengemottakar fått nær 6.000 kroner. Den høgaste utbetalinga er på noko over 52.000 kroner og den lågaste på 10 øre.

– Det er heilt riktig og på sin plass at vanlege folk og familiar får råd til å ha fri og ferie saman, seier stortingsrepresentant Nils Kristen Sandtrøen (Ap) til P4-nyheitene.

Blant dei som har fått feriepengar er 245.500 som var permitterte i fjor, og 112.000 som var registrerte som arbeidsledige.

Noko under 32.000 personar har fått avslag på feriepengar for dagpengar.

(©NPK)