Olav K. Henden fekk heiderspris av Norsk Tipping

Forretninga Olav K. Henden, med spelansvarleg Kristen Henden, blei tysdag heidra av Norsk Tipping for sin lange innsats som tippekommisjonær på Sandane.

Kristen Henden har vore spelansvarleg i verksemda sidan 1948.


Pliktoppfyllande
Kristen starta i butikken til faren Olav K. Henden som tolvåring i 1942. Då Norsk Tipping starta i 1948 blei forretninga tippekommisjonær med Kristen som spelansvarleg – ei oppgåve Kristen Henden har framleis i ein alder av 86 år.

Thorbjørn A. Unneberg, direktør for Kunde og marked i Norsk Tipping, seier følgjande:

– Olav K. Henden med Kristen Henden som spelansvarleg er ein representant og ambassadør nettopp slik Norsk Tipping vil ha det; engasjert, pliktoppfyllande og nøyaktig. Det har aldri vore manglar eller unøyaktigheter frå denne kommisjonæren, som i snart 70 år har representert Norsk Tipping overfor kundane i Gloppen på en framifrå måte.