Nytt smittetilfelle i Gloppen
Ein ny person har testa positivt for koronavirus i Gloppen kommune.
– Vedkomande er kjend nærkontakt til tidlegare smitta og var allereie i karantene då han testa positivt. Nærkontaktane er kartlagde og sette i karantene. Dei vert følgde opp av kommunen sitt helsepersonell og vil verte testa i karanteneperioden etter gjeldande retningslinjer, opplyser ordførar Leidulf Gloppestad i ei pressemelding.
Han understrekar at kommunen opplever å ha god oversikt over situasjonen.