Nye reglar om fartsgrenser på sjøen
Fartsgrensene på sjøen blir endra. No blir det ikkje lov å køyre fortare enn 5 knop viss ein er mindre enn 50 meter frå folk som badar eller bademerkebøyer.
Den nye forskrifta om fartsgrenser på sjøen trer i kraft 15. mai, opplyser Samferdselsdepartementet.
– Det er viktig å minne om at det òg på sjøen er fartsgrenser som må overhaldast, slik at det er trygt for alle å ferdast på sjøen. Eg vil oppmode alle til å laste ned Båtfart, som er ein app utvikla av Kystverket, og som er eit godt hjelpemiddel for å halde oversikt over kva fartsgrenser som gjeld kvar, seier samferdselsminister Knut Arild Hareide (KrF).
Artikkelen held fram under annonsen.
I den nye forskrifta er det òg eit krav om at førarar av alle typar fartøy skal vere aktsame og avpasse farten etter forholda.
Det er no òg forbode å ankre opp eller ferdast med motor- og segldrivne fartøy på offentlege badeplassar.
(©NPK)