Ny støtteordning for arrangørar og messer
Regjeringa foreslår å etablere ei støtteordning for store, publikumsopne arrangement utanom kultur- og idrettssektoren, som messer og matfestivalar.
Arrangementsmarknaden kan òg søkje på middel gjennom kompensasjonsordninga for reiselivet på 1 milliard kroner og omstillingspengane på 250 millionar kroner via Innovasjon Noreg.
Næringsminister Iselin Nybø (V) la fram tiltaka saman med distriktsminister Linda Hofstad Helleland (H) måndag.
Artikkelen held fram under annonsen.
– Med den nye støtteordninga for arrangørar vil regjeringa gi aktørane moglegheit til å planleggje store arrangement òg på sikt, trass i økonomiske utfordringar, seier Nybø.
Smitteverntiltak har mellom anna fått store økonomiske konsekvensar for matfestivalar, ifølgje landbruks- og matminister Olaug Bollestad (KrF).
– No støttar vi matfestivalane for å sikre at desse arrangementa kan vidareførast så snart smittesituasjonen tilseier det, seier ho.
Ordninga for arrangørar og messer inngår i budsjettforslaget frå regjeringa om økonomiske tiltak i møte med virusutbrotet, som blir lagt fram måndag.
(©NPK)
