Ny leiar i Norsk Målungdom
Tobias Christensen Eikeland (21) frå Oslo er vald til ny leiar i Norsk Målungdom.
Årsmøtet i helga vedtok mellom anna å arbeide særleg for norsk språk i høgare utdanning og retten til å snakke og høyre dialekt.
– Det skal ikkje vera sånn at elevane må kjempe for å få læremidla på språket dei har rett på, seier Christensen Eikeland. Han tek over som leiar i juli og får med seg Marit Voldsund Fjeldvær frå Hitra som nestleiar og Synne Solberg frå Sør-Fron, Rasmus Tennø Loe frå Luster og Mathilde Løkkevik frå Fredrikstad som sentralstyremedlemmer.
Artikkelen held fram under annonsen.
Den nye leiaren i Målungdommen er oppvaksen i Oslo og fortel på nettsida i Noregs Mållag at det var gleda med dialekt og språk som førte han til organisasjonen. Han har tidlegare sete både i landsstyret og i sentralstyret. (©NPK)
