Ny leiar i Nei til EU
Roy Pedersen er valt til ny leiar i Nei til EU. Med det får organisasjonen for første gong ein leiar med sterke røter i fagrørsla.
Landsmøtet la sterk vekt på denne faglege forankringa då Pedersen blei valt framfor den andre kandidaten, Einar Frogner, heiter det i ei pressemelding frå organisasjonen.
Pedersen er forskalingssnikkar av utdanning og medlem av Fellesforbundet. Han har i ei årrekke hatt tunge verv i fagrørsla, blant anna som leiar i Oslo Bygningsarbeiderforening og ti år som leiar av LO i Oslo.
Artikkelen held fram under annonsen.
Med seg i det nye arbeidsutvalet får Pedersen to kvinner; Heidi Larsen frå Østfold og Sofie Axelsen Osland frå Troms.
(©NPK)