Ny frist for Kinn-anbefaling
Den opphavlege fristen for Statsforvaltaren i Vestland si anbefaling om Kinn kommune til Kommunal- og distriktsdepartementet har blitt utsett.
Statsforvaltaren i Vestland har fått munnleg tilbakemelding frå kommunalminister Sigbjørn Gjelsvik (Sp) om at fristen for å sende inn anbefaling om Kinn er utsett til 12. september.
Det skriv Fjordenes Tidende.
Artikkelen held fram under annonsen.
Den opphavlege fristen var 5. september.
– Vi har fått munnleg bekrefting på at datoen blir 12. september, seier kommunaldirektør Nils Erling Yndesdal hos Statsforvaltaren i Vestland.
Den endelege avgjerda om Kinn kommune skal delast eller ikkje, er det Kongen i statsråd som tar. Dette skjer 1. desember dersom det skulle bli aktuelt.
Ei eventuell deling vil først skje med verknad frå 1. januar 2024. (©NPK)
