No kan du søkje opptak til over 1.700 studium
Tysdag opna det samordna opptaket til universitet, høgskular og fagskular. I år blir det tilbode nesten 75.000 studieplassar fordelte på 1.760 studium.
Universitet og høgskular tilbyr til saman 62.077 planlagde studieplassar – fordelt på 1.317 ulike studium ved 27 universitet og høgskular i Noreg, opplyser Direktoratet for høgare utdanning og kompetanse.
Sjølv om det er færre kunngjorde studium i år enn i fjor, er dette likevel det høgaste talet studieplassar som er lyst ut ved universitet og høgskular gjennom Samordna opptak.
Artikkelen held fram under annonsen.
Fagskulane lyser til saman ut 12.664 planlagde studieplassar fordelt på 443 studiar og 24 fagskular.
Søkjarar har god tid til å bestemme seg for kva utdanningar dei skal søkje på. Søknadsfristen i år er 20. april.
(©NPK)
