Ni nye statssekretærar er utnemnde

Ni statssekretærar til har teke plass i den nye Ap-Sp-regjeringa. I alt tel sekretærkorpset no 44 personar.

Fredag utnemnde Kongen i statsråd professor Oddmund Løkensgard Hoel ved Høgskulen på Vestlandet til statssekretær for forskings- og høgare utdanningsminister Ola Borten Moe (Sp).

Kommunepolitikar Kristina Sigursdottir Hansen frå Nordkapp er utnemnd som statssekretær for fiskeri- og havminister Bjørnar Selnes Skjæran (Ap), Sp-rådgivar Bent-Joacim Bentzen er utnemnd som statssekretær for forsvarsminister Odd Roger Enoksen (Sp), medan tidlegare gruppeleiar for Senterpartiet i Vestland fylkesting, Aleksander Øren Heen, er utnemnd som statssekretær for klima- og miljøminister Espen Barth Eide (Ap).

Tidlegare stortingsrepresentant Gunn Karin Gjul (Ap) har fått ny jobb som statssekretær for kommunal- og distriktsminister Bjørn Arild Gram (Sp), medan Ole Henrik Krat Bjørkholt er utnemnd som statssekretær for helse- og omsorgsminister Ingvild Kjerkol (Ap)

John-Erik Vika, Hans-Petter Aasen og Erik Sandsmark Idsøe, alle frå Senterpartiet, blir nye statssekretærar for justis- og beredskapsminister Emilie Enger Mehl (Sp). (©NPK)