Nakstad: Trur tiltaka vil redusere trykket på helsevesenet
Assisterande helsedirektør Espen Rostrup Nakstad seier at han trur tiltaka som kjem tysdag, vil redusere presset på helsevesenet.
Det er varsla at det vil komme strengare tiltak tysdag. Helsedirektoratet og Folkehelseinstituttet jobba i helga og måndag intensivt med å komme fram til tilrådinga til regjeringa.
– Vi har vurdert situasjonen grundig og foreslått tiltak som vi trur vil redusere belastninga på helsetenesta i Noreg, seier Nakstad til NTB.
Artikkelen held fram under annonsen.
Han legg til at det er opp til regjeringa å ta stilling til tiltaka.
Folkehelseinstituttets smittevernsjef Line Vold stadfestar til NRK at det er strengare tiltak som vil bli presentert tysdag.
(©NPK)
