Møter sterk motstand i Bergen
GHK-herrane skal møte serieleiar FyllingenBergen 2 og middelhavsfarar Bjørnar på bortebane denne helga.
Glopparane står med berre to poeng på 16 kampar og mykje tyder på at 2. divisjonsopphaldet blir av det korte slaget.
Heller ikkje i kampane i morgon og søndag blir det enkelt å ta poeng. Laurdag ettermiddag er FyllingenBergen 2 motstandar i Framohallen. Bergensarane toppar tabellen og vann 31-20 i Trivselshallen i november. Alt anna enn ein komfortabel heimesiger i dette oppgjeret vil vere ei stor overrasking.
Søndag ventar Bjørnar i Bjørnarhallen. Arna-laget vann 25-23 i det motsette oppgjeret i slutten av oktober, ligg på 6. plass på tabellen med 16 poeng og blir naturlege favorittar.
GHK-damene har spelefri fram til 11. mars. Då kjem serieleiar Bjørnar til Trivselshallen.