Mindre enn to tredelar av befolkninga er medlemmer i Den norske kyrkja
Under to tredelar av befolkninga er medlemmer av Den norske kyrkja og andelen døypte og konfirmerte i kyrkja fell jamt og trutt.
Andelen av den norske befolkninga som er medlem i Den norske kyrkja, fall frå 71,3 prosent i 2016 til 64,9 prosent i 2021. Til samanlikning var 85 prosent av befolkninga medlemmer i Kyrkja i 1994.
Frå 2020 til 2021 fall talet på kyrkjemedlemmer med 133.000 til 3.522.558, viser tal Statistisk sentralbyrå publiserte onsdag.
Artikkelen held fram under annonsen.
Talet på nyfødde som blir døypt i Kyrkja, har gått jamt ned frå åtte av ti i 2001 til under halvparten, 48,3 prosent, i 2021.
Utviklinga er den same for kyrkjeleg konfirmasjon. 60 prosent av 15-åringane valde å konfirmere seg i kyrkja i 2016 – i fjor var andelen 51,6 prosent. (©NPK)