Markant auke i sjukefråværet

Det totale sjukefråværet i andre kvartal var på 6,3 prosent, opp 7,3 prosent frå førre kvartal. Fråværet på grunn av korona auka med 79 prosent frå året før.

Auken frå første kvartal er størst i det eigenmelde fråværet med 28,3 prosent. Det sesongjusterte legemelde sjukefråværet i andre kvartal er 5,4 prosent, opp 4,3 prosent frå kvartalet før, viser tal frå Nav.

Sjukefråværet er høgare enn normalt, men det har vore svingingar gjennom heile koronapandemien.

– I første og tredje kvartal i fjor var sjukefråværet omtrent på same nivå som no, seier arbeids- og velferdsdirektør Hans Christian Holte.

Medan sjukefråvær grunna påvist eller mistenkt covid-19 har stige kraftig med 79 prosent frå same kvartal i fjor, har likevel sjukefråværet på grunn av sjukdommar i luftvegane totalt sett gått ned (-14,2).

(©NPK)