Må i fengsel for narkotikabruk
Ein nordfjording i byrjinga i 20-åra må bu seg på 21 dagar bak lås og slå etter kjøp og bruk av ulovlege narkotiske stoff.
Søndag 19. februar i år kjøpte den unge mannen kring 100 gram hasj ved at han ga 6.500 kroner til ein kjenning som gjennomførte kjøpet med ein for politiet ukjend person i Oslo.
I tida like før denne datoen brukte tiltala Ritalin utan å ha fått dette føreskrive frå lege.
I Sogn og Fjordane tingrett gav mannen ei atterhaldslaus tilståing.