Landbruksministeren: Ta vare på kjæledyret ditt i ferien
Dyreeigarar må planleggje feriar òg med tanke på at dyret skal ha det bra, understrekar landbruks- og matminister Olaug Bollestad (KrF).
– Å ha eller skaffe seg kjæledyr kan vere ei stor glede, men det medfører òg eit stort ansvar. Du som eig er ansvarleg for at dyret får forsvarleg tilsyn og stell heile året, også i ferien, seier Bollestad.
Statsråden ber dyreeigarar vere spesielt merksame på at dyr har tilgang til vatn, skugge og frisk luft når vêret er varmt.
Artikkelen held fram under annonsen.
– Vêr spesielt merksam på at temperaturen i ein parkert bil raskt kan stige til farlege nivå, seier ho.
(©NPK)
