Landbruksministeren seier nei til nye tilleggsforhandlingar

Det er ikkje aktuelt med nye tilleggsforhandlingar med bondeorganisasjonane no, skriv landbruks- og matminister Sandra Borch i eit svar til Bondeopprøret.

Ifølgje Nationen viser Borch til at det allereie er gjennomført tilleggsforhandlingar. Ho meiner jordbruksforhandlingane til våren er det neste tidspunktet for forhandlingar med organisasjonane.

Bøndene bak Bondeopprøret har bedt om nye tilleggsforhandlingar fordi utgiftene til mellom anna straum og gjødsel har halde fram å auke etter at tilleggsforhandlingane i fjor haust. Dei er ikkje nøgde med svaret frå Borch, og meiner mange bønder ikkje har råd å vente til jordbruksforhandlingane til våren.

– Det er godt kjent at resultatet frå ordinære forhandlingar ikkje kjem på kontoen til bonden før om meir enn eit år. Bonden har ikkje råd til å forskotere mange milliardar. Vi kan ikkje være bank for staten, skriv bondeopprørarane i et nytt brev til statsråden.

(©NPK)