Kvinne (26) døydde etter fall i foss i Kinn søndag
Kvinna vart erklært død same kveld, opplyser Vest politidistrikt i ei pressemelding tysdag ettermiddag.
Det var Karoline Ynnesdal frå Bjordal i Høyanger kommune som døydde i ulykka. Politiet frigir namnet i samråd med familien hennar.
Ved 13-tida søndag ettermiddag vart det sett i verk ein større redningsaksjon ved Fessevatnet, som ligg nordaust for Florø, etter at kvinna fall i fossen. Kvinna var ein del av eit turfølgje på to personar.
Kvinna vart flogen til Haukeland universitetssjukehus med uvisse skadar.
Luftambulanse, dykkarar, lokalt politi og ein hundepatrulje frå Bergen deltok i redningsaksjonen.
(©NPK)