Kven fortener å bli Årets nynorskbrukar?
Nynorsk kultursentrum i Ørsta vil gjerne ha forslag på kandidatar til prisen Årets nynorskbrukar 2022.
Prisen blir tildelt personar eller institusjonar som har vist evne til å bryte med språklege og kulturelle konvensjonar om bruk av nynorsk, og som gjennom sitt føredøme eller praktiske arbeid gjer det lettare å vere nynorskbrukar, eller som skaper større allmenn forståing for nynorsk.
Prisen er på 100 000 kroner og blir delt ut på Dei nynorske festspela i Ørsta.
Artikkelen held fram under annonsen.
I fjor fekk Bergen kommune prisen for planane om å etablere ein fast nynorskklasse på ein sentrumsskule i Bergen.
(©NPK)