Kraftig auke i sal av frosenlaks

Nye tal viser at Noreg har hatt ein auke på 54 prosent i eksport av frosenlaks, samanlikna med 2021.

Fersk eksportstatistikk viser at Noreg har eksportert 21.977 tonn med fryst, heil laks i år. Det er ein oppgang på 54 prosent frå i fjor, skriv ilaks.

Førebels er det eksportert 60.002 tonn fryste filetar, mot 52.094 tonn i 2021. Største kjøpar av fryste laksefiletar er EU, med 26.951 tonn.

Totalt sett har Noreg eksportert 1.456.061 tonn laks, rekna om til rund vekt, per veke 51. Det vil seie ein auke på 14,5 prosent frå i fjor.

(©NPK)